சிகரம் பாரதி 31 / 50
வணக்கம் வலைத்தள வாசகர்களே!
பிளாக்கரின் டாஷ்போர்டு மேம்படுத்தப்பட்டுள்ளது. அண்மனையில் http இலிருந்து https வசதியை வழங்கியது. இப்போது ஒருவர் தனது அனைத்து வலைப்பதிவுகளையும் இலகுவில் கட்டுப்படுத்தக் கூடியவாறு வடிவமைத்துள்ளது. இது கூகிள் வலைத்தள சேவையை பயனாளிகளுக்கு தொடர்ந்து வழங்க வேண்டும் என்னும் ஈடுபாட்டைக் கொண்டுள்ளதைக் காட்டுகிறது. இன்னும் பல மாற்றங்களை எதிர்காலத்தில் எதிர்பார்க்கிறேன்.
தொழிலுடன் எதிர்கால இலட்சியப் பாதையை நோக்கிப் பயணிக்க முயற்சிக்கையில் பல தடைகள் வந்துபோகின்றன. முக்கியமாக நேரமின்மை. காலை 6.30 மணிக்கு எழுந்து தயாராகி 8.00 மணிக்கு வேலைக்கு சமூகமளித்து பணிகளை நிறைவு செய்துவிட்டு நிமிர்ந்தால் இரவு 8.00 மணியாகியிருக்கும். பணி முடிந்து மீண்டும் இல்லத்தை வந்தடையும்போது இரவு 9.00 மணிக்கு மேலாகிவிடுகிறது. குளித்து, உணவு உண்டு முடிக்கையில் இரவு 11.00 மணி தாண்டி விடுகிறது. இடைப்பட்ட 11.00-06.30 நேரத்தில் தான் தூங்கவும் எழுதவும் வாசிக்கவும் வேண்டும். சில நாட்களில் தூங்குவதற்கு அதிகாலை 02.00 மணியாகிவிடும். நம்ம வாழ்க்கை அப்படி.
நேர முகாமைத்துவத்தை என்ன முயன்றாலும் முறையாக அமுல்படுத்திட இயலவில்லை. குறுகிய கால எல்லைக்குள் எல்லாப் பணிகளையும் மேற்கொள்ள வேண்டியிருப்பது ஒரு விதத்தில் மன அழுத்தத்தையும் உண்டாக்கி விடுகிறது. மீள வழிதான் இல்லை.
தமிழ்மணத்தில் 103வது இடம். எண்ணிக்கைகள் வெற்றிகள் அல்ல. அண்மைக்காலமாக தொடர்ந்து பதிவுக்கு ஒரு கருத்துரையேனும் பெற்றுவிடுகிறேன். பணத்தை விட வாசகர்களின் கருத்துக்களே முக்கியம்.
தமிழ்மணத்தில் 103வது இடம். எண்ணிக்கைகள் வெற்றிகள் அல்ல. அண்மைக்காலமாக தொடர்ந்து பதிவுக்கு ஒரு கருத்துரையேனும் பெற்றுவிடுகிறேன். பணத்தை விட வாசகர்களின் கருத்துக்களே முக்கியம்.
இன்னும் பேசலாம்...
அருமையான தகவல்
ReplyDelete