சிகரம் பாரதி 16/50 - வந்தாச்சு கூகிள் பிக்ஸெல் !
வணக்கம் வலைத்தள வாசகர்களே!
இன்று கூகிள் தனது முதலாவது சொந்தக் கைப்பேசியை வெளியிட்டிருக்கிறது. கூகிள் இணையத் தேடலுக்காக உருவாக்கப் பட்டாலும் பின்னர் பல்வேறு சேவைகளை தன்னோடு இணைத்துக் கொண்டது. அதில் ஆண்ட்ராய்டு இயங்குதளம் மிக முக்கியமானது. கையடக்கத் தொலைபேசிப் பாவனையில் முக்கியமான மாற்றத்தை இது உருவாக்கியது. ஆனால் கூகிள் ஆண்ட்ராய்டு இயங்குதளத்தில் 6.0 பதிப்பு வரை இயங்குதளத்தை மட்டுமே கூகிள் வழங்கி வந்தது. கையடக்கத் தொலைபேசிகள் வெவ்வேறு நிறுவனங்களால் உருவாக்கப்பட்டு வந்தன.அண்மையில் கூகிள் நோகட் 7.0 ( Google Android Nougat 7.0 ) வெளியிடப்பட்டது. இந்த இயங்குதளத்துடன் தனது முழுமையான கட்டுப்பாட்டிலான கைப்பேசியை கூகிள் அறிமுகம் செய்கிறது.
HTC நிறுவனத்தின் மூலம் ஒப்பந்த அடிப்படையில் கூகிள் பிக்ஸெல் என்னும் கைப்பேசியை கூகிள் நிறுவனம் வெளியிட்டிருக்கிறது. ஆப்பிள் ஐ போனுக்கு இணையாக இக்கைப்பேசி இருக்கும் என எதிர்பார்க்கப்படுகிறது. அண்மையில் வெளியான கூகிள் அல்லோ , டுவோ மற்றும் கூகிள் அசிஸ்டெண்ட் ஆகியவை கைப்பேசியுடன் இணைக்கப்பட்டுள்ளன. வாடிக்கையாளர்களுக்கு சிறப்பான அனுபவத்தை கூகிள் பிக்ஸெல் கைப்பேசிகள் வழங்கும்.
அழகிய வடிவமைப்பு மற்றும் அசத்தும் வசதிகளுடன் கூகிள் பிக்ஸெல் வந்துள்ளது. 32 ஜிபி மற்றும் 128 ஜிபி நினைவகத் திறன் கொண்டுள்ளது. வெளியக நினைவக அட்டையை இணைக்க முடியாது. புகைப்படங்கள் மற்றும் வீடியோக்களை எல்லையற்ற கூகிள் நினைவகத்தில் இணைத்துக் கொள்ள முடியும். உங்கள் பழைய கைப்பேசியிலிருந்து இப்புதிய கைப்பேசிக்கு பழைய தகவல்கள் எதனையும் இழக்காமல் மாறிக்கொள்ளலாம். இப்படிப் பல வசதிகள் உள்ளன.
நான் இதுவரை Samsung Galaxy S Duos 2, Huawei 3C 4G, Huawei P8 Lite மற்றும் Huawei GR5 ஆகிய கைப்பேசிகளை பாவித்துள்ளேன். GR 5 இனையே தற்போது பாவித்து வருகிறேன். எதிர்காலத்தில் எப்படியேனும் கூகிள் பிக்ஸெல் கைப்பேசியொன்றை வாங்கிட வேண்டும் என்று எண்ணுகிறேன். காலத்தின் கட்டளை எப்படியோ? பார்க்கலாம்!
Comments
Post a Comment
உங்கள் கருத்துகள் தான் எங்களுக்கான கைதட்டல்கள். பதிவைப் பற்றிய எண்ணங்களை தயங்காமல் பகிர்ந்து கொள்ளுங்கள். உங்கள் விமர்சனங்களை வரவேற்கிறோம்.
சிகரம்